凱泰船屋 (已結業)

疫情之下喺屋企煮野煮到都唔知食咩好喇！🤦🏻‍♀️ 男朋友喺开饭网揾到呢间小店话想试下，咁好啦！我同男朋友问老板有咩好推介 ...老板既热情又有耐性嘅服务态度同我地介绍店舖入面嘅受欢迎之选 ...我地就拣左船面同埋猪颈肉饭 ...估唔到有啲小惊喜 ...船面个汤底浓而唔多味精，食完出奇地冇口渴嘅感觉，汤底比较真材实料，感觉有别于平时出面食泰菜舖头嘅重口味 ...札肉鱼片够爽口，船面软身易入口，我比较推介！🤤😋👍🏻男朋友呢个饭桶就必定拣饭黎试，佢话猪颈肉薄身兼肉质够晒嫩，唔似千年老猪咁鞋口，够惹味！👍🏻黄油饭嘅配搭直头想多饭，男朋友讲话唔好意思再加饭，老板听到二话不说就加左比佢，服务的确唔错！😃仲有𠮶杯饮完想再饮嘅泰式奶茶，甜度适中，奶味浓，奶茶控嘅人绝对值得一试！👍🏻本谂住小店出品都唔会有咩意外惊喜 ...实惠之选绝对可以去试下 ...支持黄色经济圈 ...得闲要去再 encore ! 🤤