蝦麵店 (荃新天地) (已結業)

今日去荃湾支持黄色经济圈 见有啲肚饿就去咗citywalk到食个下午茶先继续努力工作 见到呢间虾面店 系黄嘅小店于是就入去坐低食个面啦装修好靓好有马来西亚嘅异国风情 下午茶时间冇乜人大家真系要多啲帮衬 虽然系咁 但都坐得劲舒服 餐厅系用电话落单够晒方便 毒L都唔使怕丑咖哩喇沙虾肉肉片面 咖哩喇沙好浓郁嘅椰香味 喇沙汤底仲有虾头海鲜等嘅味道 重口味之选 虾肉爽脆鲜味 肉片就比较逊色一啲 唔太软冧白胡椒肉骨茶配油条 汤底有浓厚嘅白胡椒味之外 仲有淡淡嘅药材香气 加上炆到冧晒入口即溶嘅猪排骨 系补身嘅感觉槟城小食拼盘 脆肉卷好有特色 反而最好食就系炸豆卜 炸到外脆内软脆卜卜榴梿咖央多士 香甜嘅咖央酱有淡淡嘅榴梿香气 不过甜味有少少香精嘅味道 加上脆卜卜嘅多士 系唔错嘅甜品