好時沙嗲

营业中

休息中

餐厅有2间铺，主打新加坡，东南亚食物。星期六大约7点食晚餐，差唔多满座，同隔离座距离有d近，听到哂隔离讲紧d咩。叫左排骨茶($66)，黄姜香茅鸡($57)，鸡牛猪沙嗲半打($51)，椰汁饭($14)。排骨茶用左一大个煲装，配有油条，药材汤味浓，几好饮既。但有d失望，排骨好细件，而且份量唔多，3至4件左右。平时去其他餐厅食既话，仲有个饭配，尼间餐厅就冇。反而黄姜鸡有惊喜，黄姜味超重，好驱寒，而且煮得够稠。仲有好多件鸡添，送饭一流，好入味。平食沙嗲，重点系猪牛鸡各有2串，虽然细细一串，不过外层烧得几焦脆，保留到肉汁，而且沙嗲酱汁好浓花生香味，唔错。椰汁饭好香椰奶味，难得除左有油饭之外，仲食到椰汁饭。整体，虽然有d失望，同想像中既有d出入，但黄姜鸡既味道令人一试难忘。