本佐日本燒肉料理 (已結業)

早排同朋友仔去食烧肉，由于唔想拣蓝店嘅关系，上黄店guide睇左一转。即日先book位嘅我地选择唔多，最后拣咗呢间，抱住支持黄店嘅心态 试试佢。话明烧肉放题，当然expect系任饮任食，但去到就发现原来嘢饮只限每人一罐，如果要任饮嘅 每人另加$30。到烧肉，价钱系$298未计加一。叫完第一轮野食就发觉出事。肉嘅种类少都算，质素真系极差，连average都称唔上。牛肉粒牛小扒呢啲基本野 完全冇肉味，咬又咬唔开，都唔知系咪合成肉。另外仲有酱汁猪颈肉同牛仔骨，唔一一列举，总之就冇样入流。海鲜都有几款，不过见佢个肉嘅质素系咁我就唔敢食，始终海鲜如果食左唔干净嘅 手尾会好长。 仲有其他小食嘅，例如炸物/粟米，朋友仔话成间野最好食就系佢个牛油粟米 “称得上average”，一间烧肉放题得到咁嘅评价真系唔知好嬲定好笑。如果$298再加任饮$30 计埋加一，$350-360嘅价位 已经可以系牛角食到level 3 or above。系呢间食真系完全唔值。