博多拉麵別天神 (已結業)

星期六经过尖沙咀，因为好肚饿所以就钻左入去呢间拉面店到，见佢铺面都好干净下于是念住帮衬，叫左碗豚骨拉面+一碟饺子同额外既叉烧。佢碗面真系非常之冇诚意，可以话平时喺屋企煮既公仔面都好食过佢，饮第一啖汤，点解完全冇味？再饮多啖，有小小，好淡好淡既猪骨味，感觉系10桶水煲半旧猪骨既味道，再饮多一啖，不得了，同饮紧一碗滚水冇分别，味淡到不得了。汤底系一碗拉面既灵魂，你拎左一碗滚水拉面比客人等于比左碗冇灵魂冇心机既食物客人，咁样都叫做拉面店咩？冇心机做既不如唔好做啦，唔会再帮衬，冇下次。