影片
更多
2017-09-29
1972 浏览
原来香港都已经有黄记煌，仲要系有个厦门朋友话我知，我先知，哈哈。其实黄记煌喺国内都有好多分店，虽然我间中都北上揾野食，但好少话谂到去食焖锅，毕竟国内有咁多选择。今次开左分店喺尖沙咀，又有朋友约，于是有机会一试。估唔到香港嘅黄记煌水准都唔错，环境舒适，焖锅又够惹味，最重要系店员嘅服务好到…我觉得刘华都要赞餐厅位于尖沙咀，喺楼下已经见到亮眼招牌，位置很多，而且相当阔落，即使唔系坐卡座，都有足够嘅空间。晚市时间都有唔少客人，我地算系比较迟入座，食埋甜品最后一枱先走，原来都有唔少人系两丁友黎食焖锅。餐牌供应多款焖锅，有鱼、鸡、牛蛙、海鲜、牛肉、猪类，定价$228-298，如果喜欢弹性高一点，可以自选配料四款，都系$298，可选鱼柳、白虾、蚝、牛柳粒、大肠等，然后酱汁自选，有招牌咸鲜汁、海鲜咸鲜汁、香辣豉皇汁、麻辣汁等。另有凉菜，例如麻辣土豆丝、黄瓜、尖椒皮蛋等，等紧焖锅途中可以点个凉菜，边食边等。配料有海鲜、肉类、丸饺滑类、蔬菜、豆品、面饭等。虾虾大笑焖锅 $278老实讲，个个锅都好吸引，我地拣黎拣去都系决定呢个「虾虾大笑」，里面有虎虾、白虾、墨鱼仔，跟番建议配搭选香辣豉皇汁。配料用一个类系花
餐厅位于尖沙咀，喺楼下已经见到亮眼招牌，位置很多，而且相当阔落，即使唔系坐卡座，都有足够嘅空间。晚市时间都有唔少客人，我地算系比较迟入座，食埋甜品最后一枱先走，原来都有唔少人系两丁友黎食焖锅。餐牌供应多款焖锅，有鱼、鸡、牛蛙、海鲜、牛肉、猪类，定价$228-298，如果喜欢弹性高一点，可以自选配料四款，都系$298，可选鱼柳、白虾、蚝、牛柳粒、大肠等，然后酱汁自选，有招牌咸鲜汁、海鲜咸鲜汁、香辣豉皇汁、麻辣汁等。另有凉菜，例如麻辣土豆丝、黄瓜、尖椒皮蛋等，等紧焖锅途中可以点个凉菜，边食边等。配料有海鲜、肉类、丸饺滑类、蔬菜、豆品、面饭等。
虾虾大笑焖锅 $278
老实讲，个个锅都好吸引，我地拣黎拣去都系决定呢个「虾虾大笑」，里面有虎虾、白虾、墨鱼仔，跟番建议配搭选香辣豉皇汁。配料用一个类系花樽嘅容器装住，一层一层，先落底油，（虽然无水煮，但都要有少少油份），然后会铺上蔬菜底料，有萝卜、西芹、洋葱、红枣、杞子、蕃薯等，然后铺上主要配料，即系虎虾、白虾、墨鱼仔，净系睇到已经流哂口水。 然后加调味料，黑白胡椒、五香粉同少少酒，然后盖上煲盖就焖煮，我地呢款锅系焖左15分钟，然后店员会加入预先拣嘅酱汁（香辣豉皇汁），均匀铺喺面头，质地几嘅稠身，所以焖锅都几重口味，最后再焖多几分钟就食得
虎虾、白虾加埋都有接近20只，相对白虾，虎虾嘅质素较好，既大只啲，而肉质较弹牙爽口，感觉都几新鲜。白虾则中规中矩，其余墨鱼仔其实都好多，不过焖完缩哂水，好细粒好搞笑。而香辣豉皇汁嘅味道其实有少少似奇味鸡煲，咸咸地又辣辣地，愈煲愈入味连萝卜、蕃薯等配料我地都食清光。焖锅食到咁上下，可以加汤好似平时咁样打边炉，加左汤之后，味道会稍为调淡，冇咁重口味。
美国客格斯牛柳粒 $98
牛柳粒带少少筋位，有嚼劲得黎唔老唔韧，亦有明显牛味，但一点必需要讲，价钱实在太贵，接近十蚊粒
三黄鸡件 $58
因为冇点焖鸡锅，所以只行点左一份鸡渌落去试试，鸡件份量正常，而且配呢个锅底都好入味。
手打虾滑 $65
虾滑都够新鲜，而且入口都弹牙，略嫌唔够起胶。
鲜虾云吞 $24/半份
本来半份云吞要廿几蚊都唔贵，不过只有三粒，而且质素好普通。
娃娃菜 $35
咁重口味嘅锅底唔少得点个菜食下，我地拣左娃娃菜，超入味。
出前一丁 $15
本来系冇打算点的，但见到前面枱食，我又忍唔住。
最方便系食完火锅，仲可以点埋许留山糖水，我都唔知自己几耐冇食过（本来我系想去食抹茶甜品的），但朋友猛话几抵几抵，要食埋，于是我地like左黄记煌嘅facebook，享用左半价甜品，如果人多，想一人一份，就按人头like，都几大方。不过我地两人share一份已经饱到捧住个肚。
多芒亮晶晶 $19（like facebook半价）
张贴
