Sodam Chicken (已結業)

虽然未有时间去韩国旅行，但放假都仲可以去食韩国炸鸡。同女朋友去完行街，就去左兰桂坊既sodam chicken度食炸鸡。入到去觉得装饰简约舒服，我地安排到二楼既窗口位度坐，望到街景。我地叫左2人套餐 (HKD 398)，我地选择左双拼炸鸡，芝士薯条同埋凯撒沙律。个双拼味道我地要左黄金咸蛋同埋甜酸。另外仲有韩式，蜜糖芥末，辣味，雪花芝士，柠檬柚子既其他味道选择。至于个套餐饮品，我地叫左苹果特饮(加HKD 10)和姜柠蜜 (HKD 6)。先黎既系凯撒沙律，分量都几大，有好多沙律菜，蕃茄，烟肉同埋芝士，仲附送沙律酱。个人觉得味道唔错，系一个唔错既餐前开胃前菜。跟住黎既就系芝士薯条，卖相唔错，有好多芝士粉系薯条度，薯条就好大条同热辣辣咁。食落去仲好好味，一啲都唔觉得腻，食指大动。跟住黎既就系我地既主菜炸鸡。两种味道既鸡件都非常大件，而且啖啖肉，肉质鲜嫩，外脆内软。另外，黄金咸蛋个边有埋咸蛋味既薯片。个人比较喜欢黄金咸蛋既味道，不过甜酸酱既鸡件都好好味。苹果特饮卖相就攞哂满分，用一个好大既酒杯盛载著富有青苹果淡淡既味道，非常清新冰凉。另外，仲有一串糖果，感觉多一份童真。 至于个姜柠蜜，好够姜味，