黃金廚房

营业中

休息中

见到深水埗有间新开嘅火锅，就拉埋三五知己一齐去试下。入到去原来除咗火锅之外都有酸菜鱼食，所以就嗌火锅配料之外都叫咗个酸菜鱼。老坛酸菜鱼锅 $168😋首先讲下个酸菜鱼，其实个外观都几吸引，中央有一大咋芫茜，形成一个中心，然后酸菜鱼就围住去摆，再外围就系辣椒，而最外围就系生根，形成一幅好美丽嘅图画。味道方便当然都系非常入味，酸酸辣辣咁味道啱啱好。黄金四宝丸$108 😋有齐虾丸，墨鱼丸，鲮鱼球，牛丸。同样只碟都相当之靓，用左长型嘅碟摆放，中间有棵花。口感都非常弹牙而且新鲜，似系人手极嘅。呢个好处系可以样样丸都试下，唔使话一嗌就系同一款式。花雕猪脑 $48😋出奇地都几新鲜，入口嘅质感保持到似豆腐花咁样软绵绵，粉粉蓉蓉咁样一定好补脑啦。