後生仔海南雞1998 (已結業)

早排已经介绍过呢间海南鸡饭，不过果次系堂食，仲要无得试佢地既小食，因为食唔到咁多野呀☹️今次机会嚟啦...飞云😂外卖返屋企，我可以尽情咁叫🤣🤣🤣天气冻，再加上车程，返到屋企啲炸物都冻冻地，不过唔紧要，我预咗焗返佢地㗎啦。叫时唔觉，返到嚟打开先发觉叫咗咁多小食，变成小食大拼盘咁🤤🤤🤤炸云吞虾、泰式炸虾饼、网虾春卷，呢3款真系好好食😋马拉盏炒通菜其实系好食既，但太辣，我食唔掂😅下次要叫少辣先得😂要推介下个姜葱无骨海南鸡饭，一般啲姜葱油鸡通常都无得输㗎啦。佢地无得输之外，特别之处系佢地啲姜，应该系炸过嚟，一条条炸姜丝，又几好食㖞平时系其他地方食既姜系普通无特别处理过既，通常我就唔会食😬但「后生仔」既姜，我会食哂，真系几好味㗎😂其他食物都ok😋仲有，佢地既服务态度真系好好，上次堂食有个男员工态度好好。今次系一个女员工落单招呼，佢再三叮嘱同事执齐我啲外卖，知我住得远👍🏻👍🏻👍🏻另外有一个长发男员工，又系超好礼貌，仲帮客人开门关门👍🏻👍🏻👍🏻又💛又靓又好态度既食店食物又平又好味😋值得帮衬完再帮衬再再帮衬👍🏻