紅葉茶屋 (黃金海岸商場)

营业中

休息中

终于等到黄金海岸开新餐厅，见到装修几好，价格都算中间位。谂住都唔会差得去边。点知一开波个排位系统已经唔得，会skip号，会消失左啲号码。连啲客都都听到啲staff问点解会咁。6点禁堂食黎讲，5点依啲时间真系争分夺秒，仲要skip鬼走左。叫左一碗黑蒜油拉面，一份鹿儿岛和牛定食。拉面奇差，返返去味千嘅境界，同出前一丁汤底一样。失望到极致。系依啲餐厅食拉面面唔会期望有同拉面店食嘅水准，但都未去到咁差！个和牛定食真系令人想啪枱走，咸到痴晒线，仲要冇一粒似和牛，连系超市买嘅安格斯牛粒都唔系。唯一可以接受嘅系加左一份炸南瓜饼，不过大胆假设，通常依啲炸物都系急冻野，都唔太关佢地厨房水准事。我地坐个个位同佢地放抬盘个位一块玻璃之隔，不断食食下就有人劲大声啪去我耳边。