星小宴

营业中

休息中

秋高氣爽，最適合去郊外，今日同屋企人去咗黃金海岸散步，夜晚就去咗星小宴食雞煲，然後打邊爐😋天氣好涼快，所以我哋都揀咗坐出邊，呢度嘅環境好靚，可以望住海旁食飯，心情特別開心。我哋叫咗一個秘制香辣雞煲，佢用炭去處理，令到雞肉入味，首先雞肉一啲雪藏味都冇，肉質鮮嫩，加埋洋蔥芫荽好野味。食完雞煲就準備打邊爐！手切特級安格斯牛肉牛肉油花均勻，肉質軟嫩，好香牛肉味，高質👍🏼紅薯粉熟透之後，晶瑩剔透，有嚼勁，好入味。鴨血細膩而嫩滑巧手韭菜餃皮薄餡靚手打爽滑牛肉丸口感彈牙，好香牛肉味，手打果然唔同啲👍🏼炸魚皮，香脆無腥味魚片肉質鮮嫩，有驚喜整體感覺不錯，適合一大班朋友食下飯飲下酒傾偈👍🏼