秋香 (黃金海岸商場) (已結業)

放假同男朋友去黄金海岸沙滩玩，中午食左呢间高质黄店，佢地既煲仔饭系屯门名物，当中以白鳝煲仔饭最受欢迎😆星期日中午1点去，唔洗等位就有得入，店内座位唔太多，会有户外位，野食质素高，出餐速度都几快。❀味噌汤&渍物❀味噌汤味道唔太咸，海带份量多，仲有少少腐皮，渍物就系酸酸地既腌萝卜。❀秋香盐烧白鳝煲仔饭❀呢度最出名既煲仔饭，白鳝大大旧厚肉又无骨，烧完之后零舍香口，肉质有少少弹牙咁。虽然唔系用瓦煲，但依然有好多饭焦😋❀秘制蒜辣牛粒煲仔饭❀觉得呢个有少少似大排档既镬气小炒咁，但就用上煲仔饭上，卖相好吸引，牛肉粒份量都几多，充满蒜香，连埋蛋汁一齐食好惹味。❀西柚柠檬话梅伯爵茶❀味道酸酸地，好似话梅味水果茶咁，饮完解渴生津，好健康咁，点茶类可以有靓茶壶+茶杯💕❀自家桂花雪梨蜜❀呢款几有惊喜，味道唔太甜，饮完个口会有少少雪梨+桂花既香味。