KOI Thé (弼街) (已結業)

又系我呢个KOI粉，自从加入芋圆、珍珠、蒟蒻几款配料之后，我地就少饮玛奇朵喇。(新屎坑)弼街嘅饮品店虽然唔够登打士街多，但都好多选择，天仁、椰汁、果汁等，不过冇乜特别事我都系买 KOI店内放左杯假嘅大大大大黄金珍珠奶茶「模型」，我觉得佢有几种配料同抹茶系列之后生意好左。黄金珍奶 $22/M/半糖普通饮品配黄金珍珠就加几蚊，呢杯黄金珍奶已包含珍珠喇。饮台式饮品，唔想甜到脱发叫少糖、半糖系基本，特别系加料系列，因为芋圆呀、珍珠都系以糖水浸，难免提升甜度。平日饮台式野，我就好少叫珍珠，因为珍珠通常烟韧得黎偏硬，对于有蛀牙嘅我黎讲几大挑战。个人就几钟意KOI嘅黄金珍珠份量大方，虽然唔够我上次饮嘅芋圆乌龙多得咁交关。size比一般黑色珍珠细粒少少，烟韧度再高一点，好似鱼籽咁橙橙地啡啡地色至于奶茶，奶比例较重，茶味弱弱的。珍奶价格比其他茶饮高啲，上次我拣嘅芋圆乌龙，(L)大杯到冇朋友，都系24蚊唔贵啦。