影片
更多
2011-01-30
20 浏览
11月6日, 今晚同呀比去红馆睇期待已久嘅黄子华栋笃笑~ 有时间多就走过嚟黄埔呢头揾野食! 呢间主打鸡翼嘅美式小店好有趣, 我地经过𠮶时咁啱仲有tea set, 所以就入去试下喇~::: 烧汁磨菇安格斯牛肉汉堡 + 薯条 + 冻榛子朱古力 ::: $39 + $2本身对磨菇加牛肉呢个配搭已经有偏爱, 呢个汉堡仲话系用安格斯牛肉添! 由于同呀比两份食, 所以亦叫咗师傅帮我地切开一半~ 切开个包之后可以见到d馅料都几厚! 除咗烧汁磨菇同安格斯牛肉之外, 仲有芝士、生菜、茄汁同芥末酱. 个包本身几硬净, 唔会淋patpat, 咬落亦算松软. 馅料方面因为个牛肉似系牛扒咁嘅质地, 味道有少少牛味但比较难咬. 磨菇就烧汁唔够, 但都几爽口. 不过呀比𠮶半包就话芥末酱太多, 多到盖过牛肉味… 但我𠮶边就唔觉~ 可能系搽得唔均匀嘅关系吧…薯条标榜用薯味更浓郁嘅加拿大黄金粗薯条… 又真系无拣错食材wor! 薯条够粗碌之余绝对够外脆内软, 薯肉丰富~ 赞!!冻榛子朱古力味道浓郁, 饮得到沙沙的朱古力粉口感~ 质素同外边d coffee shop有得挥~ 好饮!!!::: 下午茶 小食拼盘 + 莫卡咖啡
::: 烧汁磨菇安格斯牛肉汉堡 + 薯条 + 冻榛子朱古力 ::: $39 + $2
本身对磨菇加牛肉呢个配搭已经有偏爱, 呢个汉堡仲话系用安格斯牛肉添! 由于同呀比两份食, 所以亦叫咗师傅帮我地切开一半~ 切开个包之后可以见到d馅料都几厚! 除咗烧汁磨菇同安格斯牛肉之外, 仲有芝士、生菜、茄汁同芥末酱. 个包本身几硬净, 唔会淋patpat, 咬落亦算松软. 馅料方面因为个牛肉似系牛扒咁嘅质地, 味道有少少牛味但比较难咬. 磨菇就烧汁唔够, 但都几爽口. 不过呀比𠮶半包就话芥末酱太多, 多到盖过牛肉味… 但我𠮶边就唔觉~ 可能系搽得唔均匀嘅关系吧…
薯条标榜用薯味更浓郁嘅加拿大黄金粗薯条… 又真系无拣错食材wor! 薯条够粗碌之余绝对够外脆内软, 薯肉丰富~ 赞!!
冻榛子朱古力味道浓郁, 饮得到沙沙的朱古力粉口感~ 质素同外边d coffee shop有得挥~ 好饮!!!
::: 下午茶 小食拼盘 + 莫卡咖啡 ::: $30
小食拼盘有两只鸡翼、三个洋葱圈同埋两条鱼手指. 一个拼盘几乎可以试晒d小食, 实在唔错! 先讲呢度主打嘅鸡翼, 可能因为系tea set关系无比我地拣dipping… 但就有个点鱼手指嘅他他酱. 鸡翼本身炸得脆而干身, 唔会好油~ 鸡肉亦颇嫩, 点下个他他酱食又有第二种味道~ 唔错, 但如果话系主打… 可能真系要试多几只点多几只酱先知… 洋葱圈同鱼手指摆到明系包装雪藏货, d洋葱圈系典型美式快餐店𠮶只, 肥胀厚实但粉酱过多! 完全无新鲜洋葱嘅爽脆… 鱼手指比洋葱圈好, 炸得够脆同干身, 但本身鱼肉质地好似茸茸地, 鱼味欠奉但有酱汁搭救咁啦…
莫卡咖啡只用纸杯仔上, 唔热, 麻麻地…
好笑嘅地方系, 佢本身下午茶餐系可以拣罐装汽水的, 但竟然说只有不冻的, 另加冰要加$2, 那汽水有乜野意思, 不如俾个热的可乐我吧… 小店得两三张小圆台, 环境狭窄. 胜在食物都系即叫即整, 虽然唔系所有食物都好好食, 但起码感觉到佢地有落心机去整~ 主打嘅鸡翼热狗未试真, 但薯条同朱古力就俾到我地意外惊喜!
张贴
