影片
更多
2018-04-11
109 浏览
616呢个名向来响当当，今次仲系同麦子crossover，真系可以一啖肉、一啖啤酒，同朋友相聚倾吓计认真唔错。一入门口已经见到「饮饱食醉」同埋「醉生梦死」几只大字，相当有气势。系等紧位嘅期间，店员问我地想唔想饮番杯啤酒先。咁我哋就喺吧枱一边等位，一边叹麦子啤酒。我点左一杯「这些机会不是属于我的」，个名已经够晒盏鬼，不过原来唔系剩系得gimmick，都真系几好饮架。啤酒比较清香，容易入口，好似阵阵花香味咁，好啱女仔饮！终于有位啦，我哋立即拎起电子餐牌，研究下有咩汤底先！呢度一共有六个选择，我哋拣咗比较清淡嘅牛骨清汤，因为唔想比汤底嘅味道盖过咗牛肉嘅鲜味，咁就可以试一试呢度嘅牛肉到底质素如何。呢度嘅牛肉种类有好多，多到好多名我都未听过。餐枱上嘅垫枱纸会话你知每款牛肉最佳烹调时间系几多秒，大家千祈唔好overcook!试咗以下几款都觉得唔错㗎 🔺吊龙伴: 呢个部位系包住牛腰脊两边嘅肉，油脂雪花都几多，入口满油香！🔺匙柄: 牛肉味好香浓，但脂肪比例相对上冇咁多，冇咁滑身。🔺金花趾: 系牛后腿肌腱部分，虽然会有筋，但口感比较爽口弹牙，容易咬开，多左一种脆卜卜嘅感觉，个人黎讲几钟意！🔺牛舌: 最钟
一入门口已经见到「饮饱食醉」同埋「醉生梦死」几只大字，相当有气势。
系等紧位嘅期间，店员问我地想唔想饮番杯啤酒先。咁我哋就喺吧枱一边等位，一边叹麦子啤酒。我点左一杯「这些机会不是属于我的」，个名已经够晒盏鬼，不过原来唔系剩系得gimmick，都真系几好饮架。啤酒比较清香，容易入口，好似阵阵花香味咁，好啱女仔饮！
终于有位啦，我哋立即拎起电子餐牌，研究下有咩汤底先！呢度一共有六个选择，我哋拣咗比较清淡嘅牛骨清汤，因为唔想比汤底嘅味道盖过咗牛肉嘅鲜味，咁就可以试一试呢度嘅牛肉到底质素如何。
呢度嘅牛肉种类有好多，多到好多名我都未听过。餐枱上嘅垫枱纸会话你知每款牛肉最佳烹调时间系几多秒，大家千祈唔好overcook!
试咗以下几款都觉得唔错㗎
🔺吊龙伴: 呢个部位系包住牛腰脊两边嘅肉，油脂雪花都几多，入口满油香！
🔺匙柄: 牛肉味好香浓，但脂肪比例相对上冇咁多，冇咁滑身。
🔺金花趾: 系牛后腿肌腱部分，虽然会有筋，但口感比较爽口弹牙，容易咬开，多左一种脆卜卜嘅感觉，个人黎讲几钟意！
🔺牛舌: 最钟意佢烟烟韧韧嘅口感，好有咬口，仲有少少牛肉膻味，啱晒我！
除咗唔同嘅牛肉之外，当然仲有蔬菜同埋其他配料，大家不妨嚟试吓，睇吓你会钟意边一个部位嘅牛肉啊！
张贴
