古早牛肉麵 (已結業)

今日去左深水埗特卖城买野，真系好多平野买，临走果阵就去返附近揾野食，发觉深水埗都开左好多新铺头，见到依间餐厅都几干净，同时个装修好怀旧，价钱平平地，就入去试下。一入到去，间铺头好多d讲规则既台式poster好好笑。Menu款式都几多，野饮都有唔同品种。古早半筋半肉面，都几大碗，个汤唔会太油，但味道都唔错，面好滑同弹牙。牛展同牛筋份量都多，口感同味道都ok，可以妏得再淋啲同入味啲。盐酥大鸡排肉燥便当，个饭都好大。个鸡扒都系即炸，卜卜脆几好食，唔会太柴，肉燥调味刚好，不会太咸。牛肉香葱手抓卷饼，依个系蛋饼皮卷住椰菜丝同牛肉，配上啲辣汁，好惹味。轻芝士岩盐奶盖红茶，轻芝士岩盐奶盖乌龙茶，茶味都好出，叫佢微糖都真系唔会太甜，芝士奶盖份量都多，但唔会太咸/太漏。埋单都系$200，食到捧住肚皮，虽然唔系人气店，但胜在性价比高，行过都可以再食。