海魂燒 (已結業)

黄雨之下由炮台山行去天后方向，行到某个大天桥下，实在有遮都难行，唯有揾间餐厅食饭，等细雨再上路，眼见有几间餐厅，见海魂烧个名几配合天气，就拣左呢间；一口帆立贝海胆 $68/份，上一件帆立贝，下一件帆立贝，中间夹足一汤匙份量海胆，配上清新沙律菜，色彩缤纷；炸芝士年糕 $48/2件，炸得脆口，芝士够多；鹅肝煎双蛋饭 $88/份，看似高级版嘅暗然销魂饭，双蛋煎得靓，鹅肝有两块，份量唔大，胜在煎得够嫩，所有材料及饭放响热辣辣嘅石锅内，烧到好似跳舞咁，好有动感，食到底有饭焦，是项唔错嘅选择；黑松露芝士牛油焗杂菌 $42/份，锡纸盘上，有啲似野餐，有黑松露酱放上杂菌菇中间，芝士都有些拉丝，但对芝痴就觉得唔够芝士味。