鮨㐂 (已結業)

同朋友约好一齐去试吓厨师发办，今次系第四次去，今次转咗个新师傅，边食边讲好开心。 四个季节，食材都不同。由前菜沙律开始，每次都唔同。今次食咗萤光鱿鱼蒸蛋，咸鲜味好重，炖蛋滑嘟嘟，墨鱼汁好味。👍 我拣选咗12件寿司，厨师发办午餐。 一开始就食咗件白虾，跟著食象拔蚌，由淡味嘅鱼开始食，有新鲜嘅赤背，立刻剖既北寄贝，好新鲜爽口。喺个口到咀嚼耐啲，仲可以享受到唔同嘅感觉。食咗件好高油份池鱼，师傅话佢有85%系油份，配咗几粒葱花，咀嚼嘅时候好似食紧全条鱼咁。金目绸系我其中一件钟意食的，师傅微炙鱼皮，齿颊留香，🥰🥰最后一件，我最钟意的海胆蟹肉饭🤗值得推荐