漁樂 (禾輋廣場) (已結業)

连续落左几日雨，今日老细竟然话可以早d走，咁就即时约朋友食饭啦，来到位于禾𪨶既渔乐。可能因为落大雨关系，餐厅唔算多人，唔驶等位就有得食。两个人叫左两个主菜 + 一个小食，份量岩岩好。香茅猪扒冬荫功米线:朋友最爱冬荫功，指明要呢个米线。冬荫功汤底够浓，唔会太辣，加埋米线都唔觉得汤底淡左，配埋香口既香茅猪扒，话咁快成碗连汤清晒。青胡椒鸡煲:原本想叫青咖喱，黎到再望望餐牌先知道睇错左，唯有照食啦。但食落竟然觉得越食越好味，都算错有错著。鸡肉好嫩滑，配埋青胡椒汁非常惹味，食到停唔到口，唔好以为份量好少，食食下发觉原来个煲都几深，好似食极都有咁。铁板杂菌茄子:份量以小食黎讲都几多，茄子面头铺满杂菌，上台时热辣辣，味道都算唔错，唯一美中不足既系比较多油，令茄子俾人感觉好油腻。总括黎讲，呢度食物都几好味又唔贵，不过下次真系要试下个咖喱。