影片
更多
2017-06-23
1816 浏览
睇过之前几篇食评本身都惊中伏, 但食完之后觉得要黎个大平反, 食物好味, 上菜快, 服务都几好!父亲节前夕黎到, 6点几已经要拎飞等位, 见到餐厅内既人车轮转咁, 上菜速度可见超卓XDDD 最后等左大半个钟终于有位啦, MENU 上都好多选择, 价钱都合理, 重点系唔洗加一同茶芥, 而杯茶仲好香好甘, 爸爸都大赞! 等我逐一讲下果日食左D咩啦, (根据上菜次序): 担担面 ($46):通常D担担面都会好稠身, 但呢个比较稀, 所以相对比较淡口, 如果SHARE食就会觉得唔够香浓, 但自己食晒一碗就会觉得够味既感觉XD 同埋份量唔少, 分左4-5小碗左右, 面质都几弹牙!精选冷盘拼盘($85):呢个OPTION都几贴心, 每个小食around $62, 但呢个拼盘都系$85, 本身都以为份量会好少, 但原来都唔少架㖞, 佢叠起左2层, 3-4人share 都够, 可以试多d款呀嘛~ 1. 熏啼粉皮带少少麻辣既香, 切得够薄所以加埋d汁都几惹味;2. 醉鸡酒味好出, 唔系行货, 食得到真材实料, 爸爸仲饮埋最后d酒3. 熏鱼本身唔系好钟意, 因为平时果d无乜鱼肉又干, 但呢个都算厚肉, 甜
父亲节前夕黎到, 6点几已经要拎飞等位, 见到餐厅内既人车轮转咁, 上菜速度可见超卓XDDD 最后等左大半个钟终于有位啦, MENU 上都好多选择, 价钱都合理, 重点系唔洗加一同茶芥, 而杯茶仲好香好甘, 爸爸都大赞!
等我逐一讲下果日食左D咩啦, (根据上菜次序):
担担面 ($46):
通常D担担面都会好稠身, 但呢个比较稀, 所以相对比较淡口, 如果SHARE食就会觉得唔够香浓, 但自己食晒一碗就会觉得够味既感觉XD 同埋份量唔少, 分左4-5小碗左右, 面质都几弹牙!
担担面
$46
74 浏览
1 赞好
0 留言
精选冷盘拼盘($85):
呢个OPTION都几贴心, 每个小食around $62, 但呢个拼盘都系$85, 本身都以为份量会好少, 但原来都唔少架㖞, 佢叠起左2层, 3-4人share 都够, 可以试多d款呀嘛~
1. 熏啼粉皮带少少麻辣既香, 切得够薄所以加埋d汁都几惹味;
2. 醉鸡酒味好出, 唔系行货, 食得到真材实料, 爸爸仲饮埋最后d酒
3. 熏鱼本身唔系好钟意, 因为平时果d无乜鱼肉又干, 但呢个都算厚肉, 甜甜地几好味!
精选冷盘拼盘
$85
35 浏览
0 赞好
0 留言
锅贴($35):
本身觉得呢个锅贴有d贵, 平均都$12一只, 不过真系值既, 一咬落去会爆汁, 底部煎得好香脆, 又唔会成口油, 真系好好食!!
锅贴
$35
40 浏览
1 赞好
0 留言
酸辣汤云吞($48):
爸爸想饮酸辣汤, 但睇menu 1细盅已经要$38, 所以直接要个酸辣汤云吞, 抵食d, 至少分到4碗架XD 呢个汤都几开胃, 配埋云吞其实几饱肚!
酸辣汤云吞
$48
72 浏览
0 赞好
0 留言
砂窝腌笃鲜($98):
本身一睇连个名都唔知点读XD. 但爸爸见到D金华火腿定唔知上海咸肉觉得有兴趣, 见MENU张相又几多菜所以叫黎试下, 但一上枱就觉得超级图文不符!!!!因为D咸肉多达20旧仲要旧旧都好好食, 唔会净系得腩肉/瘦肉, 每样都有, 岩唔同人既合味, 个汤非常清甜, 饮左4碗都唔太口渴, 同埋份量超多, 起码分到8碗呢个都几推介!
砂窝腌笃鲜
$98
54 浏览
0 赞好
0 留言
总括黎讲, 爸妈食完都有赞无弹, 本身想食埋甜品但已经超饱, 埋单3位都系$312, 唔洗加一茶芥都够食多个小食, 不过相对小菜选择比较少同埋唔岩食, 所以都系食冷盘/小食多, 另外服务都好好, 因为呢间新开, 所以真系好多人食, D 侍应反应超快, 行步路都快过人, 有求必应, 抵赞! 呢个质素同价位绝对可以ENCORE!!!
张贴
