影片
更多
2018-12-18
1921 浏览
最近谂起真系好耐无去过台湾，以前一有期就同朋友快闪去转台湾松一松，狂扫街食台湾野，真系谂起都觉得正，而家忙工作生活，想快闪都好似抽唔到时间咁，唯有食下台湾菜顶下口瘾，最神奇既系唯一得台菜真系食极都唔厌，仲愈食愈唔抗拒，可能我留恋鲁肉饭既味道啦早几日同朋友去左依间台式菜馆食晚饭，食物种类繁多，睇餐牌睇到样样都想叫黎食，不过都系要取舍既，所以叫左五六样食物大家一齐食台湾大甲香芋鸡本身都爱食芋头既我，一送黎闻到香喷喷既香芋味道，芋头入口够粉，软脆适中有口感，鸡肉嫩滑啖啖肉，沾满芋头汁一齐食好滋味，好食到仲想再叫多份，配白饭一流卤水拼盘拼盘中有牛筋、牛展、糖心蛋、卤豆腐同卤水鸭舌，牛筋食落好软熟带小小烟韧，卤得好入味，其中卤豆腐系必食，一般食到既卤豆腐都系外皮带韧，质感较粗糙，但依度既卤得浓郁之外，食落非常嫩滑又好香豆味，超赞啊樱花虾爆包心菜食台菜必叫包心菜，包心菜食落爽脆可口，配樱花虾炒更加惹味十足三杯蛤蜊用左少许酒调味，获气好够，加上只只蚬都大只肉厚，加分呀！忠孝鲁肉饭压轴既鲁肉饭终于送上了，等到颈都长，净睇卖相已经觉得好好味，除左鲁肉碎之外，旁边放左雪菜、炸蒜碎同大大粒既糖心蛋食啖饭配哂
早几日同朋友去左依间台式菜馆食晚饭，食物种类繁多，睇餐牌睇到样样都想叫黎食，不过都系要取舍既，所以叫左五六样食物大家一齐食
台湾大甲香芋鸡
本身都爱食芋头既我，一送黎闻到香喷喷既香芋味道，芋头入口够粉，软脆适中有口感，鸡肉嫩滑啖啖肉，沾满芋头汁一齐食好滋味，好食到仲想再叫多份，配白饭一流
卤水拼盘
拼盘中有牛筋、牛展、糖心蛋、卤豆腐同卤水鸭舌，牛筋食落好软熟带小小烟韧，卤得好入味，其中卤豆腐系必食，一般食到既卤豆腐都系外皮带韧，质感较粗糙，但依度既卤得浓郁之外，食落非常嫩滑又好香豆味，超赞啊
樱花虾爆包心菜
食台菜必叫包心菜，包心菜食落爽脆可口，配樱花虾炒更加惹味十足
三杯蛤蜊
用左少许酒调味，获气好够，加上只只蚬都大只肉厚，加分呀！
忠孝鲁肉饭
压轴既鲁肉饭终于送上了，等到颈都长，净睇卖相已经觉得好好味，除左鲁肉碎之外，旁边放左雪菜、炸蒜碎同大大粒既糖心蛋
食啖饭配哂所有配料真系好好食，炸蒜香脆惹味口感加咸香雪菜连惹味鲁肉碎大啖食，真系超正，糖心蛋食落够流心香甜，加上大碗到够两个人食，依个真系不得不叫呢
忠孝牛肉面
分别叫左黑汤同白汤，黑汤系牛肉浓汤底，而白汤系浓鸡汤
我个人比较喜爱鸡汤底，饮落清得黎又唔会淡，带香浓鸡肉味，饮落无负担，另外一样喜欢原因系可以食到牛展本身牛香味，炖得好软熟，入口几乎即溶，而面底食落比较似刀削面，口感弹牙顺滑，唔错喔
台式麻糬窝夫配朱古力泡沫果仁
食饱点少得甜品，外脆窝夫入面夹左麻糬，配埋雪糕咁食冰火相溶，又唔会太甜！
忠孝芋圆
芋圆又点少得，份量十足既彩色粒粒芋圆，够烟韧又重芋味，好好食，糖水底又唔会太甜，甜度适中，面头芒果冰，拌埋食味道又几夹啵
金枣·青柠·桂花茶
清香带酸桂花茶，饮落舒服又解腻
整体而言，所有食物都唔错，个人最欣赏系鲁肉饭同香芋鸡，的确系必点菜式呀，好想又encore了😭
张贴
