和味餐室

营业中

休息中

而家夜晚唔可以堂食，黎呢间叫外卖，我地喺度叫左个瑞士汁干炒牛河加热奶茶先。然后再去另外隔离𠮶两间买其他野（碗仔翅，蛋饼）其他𠮶啲比左钱，等埋佢地整好拎得，入返呢间，仲未整好，问佢地得未，佢地就话炒紧，叫我地坐等低一阵。咁我地就坐喺度等，等呀等，等左一阵都未见（我就坐喺度打左2铺手机，约十分钟左右），就问佢地有未。佢地又话炒紧，等多一阵，我地又等多阵。等到个人唔耐烦𠮶阵燥燥地𠮶阵，终于拎得。前后加埋30-40分钟，真系等死人。最大问题系其他野都凉左啰。返到屋企食，顶！普通干炒牛河黎既喂。瑞士汁呢？？？？等你咁耐，仲等个普通到唔普通既干炒牛河，真系多谢哂。下次买外卖都唔会再黎，佢地咁忙，无谓加大佢地工作量啦。