Day and Nite by Master Kama (已結業)

呢间好似系出名龙虾，但由于我唔食得虾，就冇试佢呢招牌菜。用app订位有半价，可惜佢主餐牌选择唔多，有龙虾同premium嘅都唔得。所以只系叫左一个主menu上嘅吉列牛伴忌廉咖哩乌冬。入口咖哩味几香，配上淡淡定嘅忌廉泡，平衡翻咖哩嘅浓味，味道唔错。佢系前一排好hit嘅忌廉乌冬，面铺满厚厚嘅白色忌廉，下面系乌冬，卖相特别。另外吉列牛炸得香口，有五块，调味适中，牛味都几香浓。佢用木砧板上，打卡一流。另外叫左𠮶冇半价嘅定食，卖相好靓，有两小碟渍物，饭面洒左啲饭素。因为系套餐，所以有野饮同餐汤，汤系磨菇汤，食得出有菇，同呀妈系屋企整嘅差唔多。佢用只杯盛起上碟嘅，伴一小片蕃茄多士，颇有诚意。另外值得一提系呢间餐厅服务非常好，笑容满分。由一开始下单𠮶时好详细咁同我地讲边啲有优惠。食到中间唔小心倒泻水，都有staff好细心咁留意到，然后即刻比纸巾我抹。到后尾走时更帮我地推门，好耐冇试过咁好服务嘅餐厅啦。不过一个小缺点系呢间餐厅系一间工厂大厦入面，虽然未至于好难揾，但门口指示唔清晰。未入去之前你唔会想像到咁嘅地方会有餐厅存在，好在佢胜在一入去环境温馨，食物又唔错。