小糖鈕 (已結業)

呢间餐厅我同细妹之前已经慕名黎过两次，但两次都full booking入唔到去食。今日专登打左去book枱，终于都成功食到！（佢地仲好细心咁问有冇人生日或者要庆祝！）Book左8点，7点9左右去到都入到座。（可能因为肺炎而少左好多人）咁我地两姊妹就系去食晚饭唔系食甜品嘅。家姐嗌左个日式鳗鱼炒饭（HK$139）个饭好大碟，女仔可能会食唔晒一碟。啲饭一粒粒唔会太干又唔会太湿、有啲鳗鱼汁甜甜地咁好正！入面有蛋、青豆、萝卜，不过鳗鱼粒唔算多。另外细妹就嗌左香煎比目鱼扒伴薯菜（HK$159）呢个份量啱啱好，因为系鱼扒唔会太饱，但如果食肉可能要多人share了。成碟嘅香草味都好重，一上菜已经闻到好香！个鱼扒好食煎得啱唔好，鱼肉够嫩！细妹好钟意，但家姐就觉得有少少太咸，大家可以自己斟酌一下。薯仔好raw似系新鲜嘅而唔系加工野，不过薯仔皮就有少少厚。最后比多张相大家睇：总结系呢间嘅食物都系中上好食，价钱系尖沙咀嘅晚餐黎讲唔算贵，性价比高。但因为份量都算多，如果多几个朋友黎食就可以嗌几样野share，抵啲又可以试多啲野。埋单HK$328，人均HK$164。