巴希雅海灣重慶燒烤

营业中

休息中

放假同朋友去大尾笃踏单车，踏之后朋友plan左系巴希雅到食bbq。原来依间舖有室内同定外地方选择地方都几大，但我哋惊落雨，所以都系简左系室内烧。饮品就每人一罐，除咗香蕉，菠萝，虾，蚬之外，其他食物都系出去出边自己拎嘅。蚬都ok，但唔算话好大只不过都几鲜甜。但相比起虾嘅话梗系虾赢啦，因为虾又大只又鲜甜，可惜每人得一只，唔够喉。大部分肉类都齐全，而且都肥齐适中，睇落都几新鲜，烧完再加依到配备既调味料，少少辣，好惹味。我就几钟意食牛仔骨，肉质好嫩。食咁多肉就梗系要食返啲蔬果去中和下啦！青椒睇落都几靓，好爽口，感觉好新鲜，而且都几清甜但冇苦涩味。烧金菇一向好受人欢迎，金菇吸收晒蒜蓉嘅味道，烧得又冧，好正！韭菜再加上调味粉，相当惹味！而且一啲都唔老，好嫩，食落冇渣嘅感觉。不知不觉就食咗几串，我同朋友一致赞好。茄子原条烧好过瘾，烧完之后茄子入面仲keep到水份，而且好嫩。香蕉好甜，但要睇火因为好快会烧焦。菠萝十分juicy而且好甜，好快就俾人清晒。