意粉屋 (已結業)

晚餐黎食意粉屋，叫左个2人餐，平均每碟菜色都唔错！当中最满意既系呢个餐汤-龙虾汤，有浓郁龙虾味，而好creamy，好好味，令人好满足！主菜系西班牙海鲜饭同埋猪肋条，西班牙海鲜饭好足料，啲饭都几入味，不过啲海鲜感觉唔系话好新鲜。猪肋条更加系份量十足！好长！呢度用既系丹麦猪，有来源保证，食落好安心！可以好轻易整到肉同骨分离，加埋啲烧烤酱食都几惹味，肉质略嫌唔够嫰滑，薯条都炸得好脆！沙律既黑醋汁好惹味，啲沙律菜都好新鲜！食物质素同价钱成正比，埋单500左右，以用料，食物味道同环境黎讲价钱尚算合理，但要批评既系枱面既矿泉水好难饮。