小南國 (已結業)

系港铁站见到广告话沙田新开左间小南国，心郁郁想食上海菜，就黎左呢度食晚饭。七点几去到，好多人等位，间餐厅又细，等左成半个钟先有位。以往通常去中环个间小南国食Lunch, 全部散叫，呢度有二人餐，好似几多野食，就试下啦！前菜双拼熏鱼，百页卷熏鱼几好，甜甜地，但好多骨。百页卷都唔错，马兰头好香"草"味。清炒河虾仁我同男友最爱既菜式，爽口，但多油。砂窝云吞鸡汤一人得一碗，好少㖞！汤好浓，有鸡味，但佢地俾鸡翼我地，觉得好奇怪。香酥鸭呢个最好，用片皮鸭既皮，包住香酥鸭，葱，青瓜，加D红色酸酸地既酱，好好味，鸭一D都唔酥，有少少肥，好香口，正！胜瓜炒菌丝卖相晶莹剔透，但其实全部都系油，D油多到我要用清水过一过先敢食。小笼包自问我夹小笼包都有一手，但呢个小笼包我就失手，一夹即裂！皮比较厚，一般水准。雪梨红萝卜糖水未食过咁既 Combination，味道一般，甜甜地，不过几滋润。我下次去沙田唔会再黎小南国，服务麻麻，有咁多好食过佢又平过佢既多的是。都系去中环个间好D。