Pho 778 (已結業)

帮朋友搬新居，搬完之后梗系要食番餐先啦。系湾仔道见到一间越南餐厅(Pho 778)，就入左去试下。我同朋友都系肉meat lovers 所以叫左安格斯生牛肉坑腩汤河 (HKD 58,转set 加HKD 15)同埋安格斯生牛肉牛丸汤河 (HKD 59,转set 加HKD 15)。两个都系要左大分量既，而跟餐小食越南春卷，香茅虾饼，餐饮就要左热柠蜜。佢有教我地点食先系最惹味，先要尝个汤底，跟住加9层塔，芽菜同埋青柠汁，分量就因人而异。跟住再尝完一次之后，就可以再加埋是拉差酱再尝试。 发觉跟佢个食法，真系有不同既口感同层次，有全新既感觉呀。牛坑腩好稔同块安格斯生牛肉真系好好味，冇得输呀。个春卷炸得好脆，里面仲有一只虾，口感丰富。 至于个虾饼，都唔错，不过略为炸多左少少。整体黎讲，都唔错，可以再试。