伙食工業 (已結業)

好耐冇见一个好难约嘅朋友，知佢系火炭返工，所以约佢系佢公司附近陪佢食lunch。系我心目中火炭就系一个工业区，要我谂起佢个头有咩餐厅都真系唔识，所以就交比佢呢个地头虫带路。佢话呢间餐厅系呢边算几出名。我去到望一望，个外表都几特别，同佢所处于嘅工厦格格不入，但几吸引人入去试。入面嘅舖面都几大，但午餐时段都坐满晒。呢度嘅午餐都算有几多选择，饭同面都各有一页嘅menu。朋友推介左呢个红烧半筋半牛面叫我试，于是我跟佢叫黎试下。呢碗面睇落份量唔算太多，但食落系出奇嘅饱。欣掌佢嘅红烧牛筋同牛肉都系多，送晒成碗面我都未食晒D𩠌，比起出面好多嘅台湾餐厅大方好多。牛筋好烟韧，唔会太稔或者太硬，牛肉都好嫩口，质素算系认真唔错。汤底好好饮，唔会太咸，唔小心一饮再饮，虽然饮完有少少口渴面有咬口，份量都好足。性价比真系超高，难怪咁多人系openrice 推介呢个。饮品我就叫左杯冻咖啡，普普通通，正正常常啦～