影片
更多
2020-07-07
206 浏览
话说今年年头去过一次旅行，之后都再冇去过喇。台湾系其中一个香港人中意去嘅城市，价廉物美，多夜市行啲人又nice奈何今年肺炎之后真系好耐未好好出走过最近喺网上见到一间喺台湾师大夜市几出名嘅「灯笼卤味」开到过黎香港，真心兴奋，终于有机会试到过江龙！呢间我自己就未试过，但喺台湾咁出名应该吾会差得去边。里面有劲多霓虹灯打卡位，正呀满足晒女仔去影相打卡。🤣🤣🤣🤣🤣里面嘅环境有啲似课室，但比起课室更有一份亲切感，墙身有啲菜式嘅名，真系同台湾嘅feel好似，记得之前去台湾嘅卤味店都系咁。餐牌有两页，第1页系拣卤味嘅款式，台湾嘅卤味其实同香港嘅车仔面有异曲同工之妙，都系拣各项配料同埋面类。面类方面，比较特别嘅有王子面，其实就即系公仔面啰，不过呢度个名好听啲。其他配料嘅种类都吾少，比较特别嘅有猪腱肉、大豆皮同埋甜不辣。揭到后页有小食同埋台式饮品，个人超中意食台式嘅小食🤤真系够晒香口，自己本身又中意饮茶，台湾菜黎讲茶嘅款式都几多。原本想试起司玉米蛋饼，但店员话卖晒😫试吓个花枝丸拼贡丸先。食花枝丸feel到一粒粒嘅墨鱼粒喺入面，几正，贡丸爽口弹牙都吾错呀。然后讲面类，呢款系我嘅，喺配料方面我拣咗猪腱肉、弹牙
里面有劲多霓虹灯打卡位，正呀满足晒女仔去影相打卡。
🤣🤣🤣🤣🤣
里面嘅环境有啲似课室，但比起课室更有一份亲切感，墙身有啲菜式嘅名，真系同台湾嘅feel好似，记得之前去台湾嘅卤味店都系咁。
餐牌有两页，第1页系拣卤味嘅款式，台湾嘅卤味其实同香港嘅车仔面有异曲同工之妙，都系拣各项配料同埋面类。面类方面，比较特别嘅有王子面，其实就即系公仔面啰，不过呢度个名好听啲。其他配料嘅种类都吾少，比较特别嘅有猪腱肉、大豆皮同埋甜不辣。
揭到后页有小食同埋台式饮品，个人超中意食台式嘅小食🤤真系够晒香口，自己本身又中意饮茶，台湾菜黎讲茶嘅款式都几多。
原本想试起司玉米蛋饼，但店员话卖晒😫试吓个花枝丸拼贡丸先。食花枝丸feel到一粒粒嘅墨鱼粒喺入面，几正，贡丸爽口弹牙都吾错呀。
香炸花枝丸拼贡丸
$26
32 浏览
0 赞好
0 留言
然后讲面类，呢款系我嘅，喺配料方面我拣咗猪腱肉、弹牙贡丸同埋甜不辣，平时真系好少食猪腱肉，食落口口感原来系比较有嚼劲戈种，吾系难食嘅，不过吾算好食得惯。贡丸真心好好食爽口弹牙，吾会话好硬戈种。
之前一路都好抗拒食甜不辣，因为听个名好奇怪😅今次终于的起心肝试。个口感系超似韩式年糕，都系烟烟韧韧咁，个形状又差吾多，比想像中好食，但同辣原来系一啲关系都冇🤣
真系未食过盐酥鸡系有苹果，吾知系咪for人食完盐酥鸡之后食黎解腻？苹果嘅味就吾多讲，冇咁嘅需要，讲吓盐酥鸡好了。呢度嘅盐酥鸡真系超好食食落去系似某间大型连锁鸡专卖店嘅味，表面盐酥嘅份量啱啱好，吾会好似某啲台式餐厅嘅咁咸，入面嘅鸡肉都好滑。
苹果盐酥鸡
$38
8 浏览
0 赞好
0 留言
🥭 芒果绿茶 $20
🤎 黑糖珍珠奶茶 $24
黎到台式餐厅点可以吾叫番杯呢家好兴嘅台式饮品试试？男朋友叫咗杯芒果绿茶，冲系冲得几好，芒果味好明显，又吾会话太甜，连埋绿茶味系好清新嘅感觉。
自己叫嘅系黑糖珍珠奶茶，相信大家都饮到好厌喇😂我就真系好耐冇饮，所以先叫咋。近排著重健康，所以叫嘅台式饮品多数系无糖，黎到呢度都吾例外，黑糖味其实都足够，吾需要太甜啦，珍珠就比较令我失望😕系偏硬。
P.s. 店员嘅服务态度都好友善，值得一赞
张贴
