財記美食 (已結業)

下午茶时段黎到，比起上次旺左㖞，卡位坐满得返中间圆枱，好彩有人走，即刻霸张卡位先。睇下餐牌，想食份公司治就叫佢啦，再整杯冻饮降下温。坐低后店员问饮唔饮汤，送左碗例汤，是日系红青萝卜猪骨汤，好甜好好饮～餐茶要左冻柠水，多柠又够冻，正。财记公司三文治配炸薯条，卖相几靓，上枱时热辣辣㗎。薯条系幼条，老麦个只款，但新炸起就梗系好食过老麦好多啦，上面个洒左五香粉，咸咸地又香口。主角公司治好好食，三层包都有烘底，中间夹左好多料，第一层咸牛肉蛋，跟住系午餐肉，煎得好香口，再黎系火腿同芝士片，下层系蕃茄同生菜，酱汁系千岛酱，口感丰富味道有层次，系近期食过最好味嘅公司治。