影片
更多
2024-06-18
1921 浏览
买完嘢突然间落大雨，最好就揾个可以hea得耐嘅地方，拣咗去龙宝饮茶。下午十二点左右嚟到，劲多人等位，伙记话二楼唔使等自己入去揾位搭枱就得，想坐得舒服就等位上三楼。等咗大半个钟终于有位，拿拿林画落单纸先😋⭐香煎莲藕饼同预计中不同，呢度系用两张饺子皮中间夹住少量鲮鱼肉混莲藕碎馅，炸得香口，味道都ok嘅。⭐鲜虾炸云吞呢个新鲜炸起，比上面嘅莲藕饼香脆，不过馅料极少。⭐萝卜丝春卷又系炸野，正如其名，春卷入面净系得萝卜丝。⭐叉烧包拼鸡包仔两款拼埋一齐都好嘅，一次过可以有两款包食唔使怕太饱，不过蒸到啲馅漏晒出嚟啫。⭐鲜虾菜苗饺虽然个皮爆晒，但系我觉得佢系全餐最好食嘅，菜苗多汁虾肉爽口，不过个饺子皮就笠口啲。⭐顺德鱼滑酿虎皮椒虎皮椒好细条，鱼滑亦都好薄，一分钱一分货。⭐萝卜清汤牛腩萝卜清甜牛腩炆得入味，虽然卖相不佳，但好食㖞。⭐椰香芝麻卷最后系朋友心心念念嘅芝麻卷，上次去糕点舖想买但买晒，茶楼竟然有就试下啦。三条芝麻卷粗幼不一，长短亦不一，虽然洒上大量椰丝同花生碎，但味道冇提升到。芝麻卷口咁硬实，亦冇芝麻香，失望。两个人食八碟点心都唔觉饱，呢间啲点心份量畀一般茶楼细碟，虽然价钱平，都系𠮶句啦～一分钱一
下午十二点左右嚟到，劲多人等位，伙记话二楼唔使等自己入去揾位搭枱就得，想坐得舒服就等位上三楼。
等咗大半个钟终于有位，拿拿林画落单纸先😋
⭐香煎莲藕饼
同预计中不同，呢度系用两张饺子皮中间夹住少量鲮鱼肉混莲藕碎馅，炸得香口，味道都ok嘅。
⭐鲜虾炸云吞
呢个新鲜炸起，比上面嘅莲藕饼香脆，不过馅料极少。
⭐萝卜丝春卷
又系炸野，正如其名，春卷入面净系得萝卜丝。
⭐叉烧包拼鸡包仔
两款拼埋一齐都好嘅，一次过可以有两款包食唔使怕太饱，不过蒸到啲馅漏晒出嚟啫。
⭐鲜虾菜苗饺
虽然个皮爆晒，但系我觉得佢系全餐最好食嘅，菜苗多汁虾肉爽口，不过个饺子皮就笠口啲。
⭐顺德鱼滑酿虎皮椒
虎皮椒好细条，鱼滑亦都好薄，一分钱一分货。
⭐萝卜清汤牛腩
萝卜清甜牛腩炆得入味，虽然卖相不佳，但好食㖞。
⭐椰香芝麻卷
最后系朋友心心念念嘅芝麻卷，上次去糕点舖想买但买晒，茶楼竟然有就试下啦。三条芝麻卷粗幼不一，长短亦不一，虽然洒上大量椰丝同花生碎，但味道冇提升到。芝麻卷口咁硬实，亦冇芝麻香，失望。
两个人食八碟点心都唔觉饱，呢间啲点心份量畀一般茶楼细碟，虽然价钱平，都系𠮶句啦～一分钱一分货嘛。
张贴
