影片
更多
2024-04-26
2365 浏览
呢间megabox嘅Salted pig都嚟食过几次㗎啦，平时同事生日、last day等聚会都系喺呢度食午餐，贪佢地方大唔使等位，午餐个set又几抵食咁啰。是日旧同事过嚟话食嘢倾下计，于是我哋又嚟咗Salted pig，店员示意我哋坐第一张卡位，之后好快就送上水同埋餐牌。晚餐餐牌更多选择，不过就系因为太多选择，所以唔知拣咩好，最后都系决定要dinner set算了，选择困难症😂⭐Seafood soup 海鲜蕃茄汤头盘要咗海鲜汤，汤料有鱼、虾、蚬、青口，热辣辣很鲜味，唔知系咪即叫即煮嘅呢，因为等上枱都等咗几耐下，个汤好好饮，附送嘅多士都好香口，涂咗牛油又多nuts，仲有两块添呀，正🤤⭐Beijing style duck breast pizza 京式鸭胸片薄饼主菜之一拣咗薄饼，谂住呢个易share吖嘛，北京片皮鸭风味嘅薄饼，酱汁用上海鲜酱，上面放咗烟鸭胸、青瓜同大葱等，虽然叫薄饼但其实唔薄身，拎上手都几坠手㗎，烘得香脆，好好味🤤⭐Pork lasagne 猪肉意大利千层面另一个就叫咗千层面，上枱时劲香，一切开有芝士拉丝，千层面本身千层面旁边嘅酱汁都充满芝士，除咗猪肉碎，个千层面仲夹
是日旧同事过嚟话食嘢倾下计，于是我哋又嚟咗Salted pig，店员示意我哋坐第一张卡位，之后好快就送上水同埋餐牌。
晚餐餐牌更多选择，不过就系因为太多选择，所以唔知拣咩好，最后都系决定要dinner set算了，选择困难症😂
⭐Seafood soup 海鲜蕃茄汤
头盘要咗海鲜汤，汤料有鱼、虾、蚬、青口，热辣辣很鲜味，唔知系咪即叫即煮嘅呢，因为等上枱都等咗几耐下，个汤好好饮，附送嘅多士都好香口，涂咗牛油又多nuts，仲有两块添呀，正🤤
⭐Beijing style duck breast pizza 京式鸭胸片薄饼
主菜之一拣咗薄饼，谂住呢个易share吖嘛，北京片皮鸭风味嘅薄饼，酱汁用上海鲜酱，上面放咗烟鸭胸、青瓜同大葱等，虽然叫薄饼但其实唔薄身，拎上手都几坠手㗎，烘得香脆，好好味🤤
⭐Pork lasagne 猪肉意大利千层面
另一个就叫咗千层面，上枱时劲香，一切开有芝士拉丝，千层面本身千层面旁边嘅酱汁都充满芝士，除咗猪肉碎，个千层面仲夹住意大利青瓜同茄子等，虽然好多芝士，但食落唔漏，加上个茄汁底酸酸地，食落几开胃㖞😆
⭐Tango 甜蜜探戈柚子茶 & ⭐Oreo madness 曲奇朱古力忌廉奶昔
个餐唔送餐饮，见汽水或者奶茶咖啡都要加25蚊，咁好似加特饮抵啲㖞，朋友叫咗杯Tango，自己就叫咗杯Oreo奶昔，卖相几吸引呀。Tango系红茶底再加各款果汁调成，酸酸甜甜几香口，Oreo奶昔就系由朱古力打成，绵绵滑滑唔算太甜，都好好饮🤤
净系叫两个晚餐都食唔晒，个千层面包走咗一半留返听日食啦，唔好浪费🤣
张贴
