豪宴1號

营业中

休息中

听闻启德新开咗间酒楼，一于去试下，「豪宴一号」个名就"娘"咗d, 酒楼唔大，一眼望得哂。新开d 嘢真系好新，碗碟，枱布，地毯都感觉好干净。有两间房仔，侍应话可以唱K, 食饭当晚就有人book 咗房，d 人出出入入开门时听到佢地叫韩文歌🙈😂，又几国际化㖞。讲返食先，天寒地冻，嗌咗个$288羊腩煲，龙虾粉丝煲，炒豆苗。羊腩煲又煮得几好㖞，抵赞，d 肉够林，唔会香口胶咁，又够入味，配料有一碟菜，煲入面有马蹄，莲藕，支竹，都几大煲，质素都对得住个价钱。至于龙虾粉丝煲呢，得个几条粉丝，差d 以为粉丝系贵价货，好罕有，龙虾系姜葱味，唔讲以为食紧姜葱炒蟹。而蒜蓉炒豆苗就普通，无乜特别，无大排档嘅镬气，但好食过茶餐厅。侍应都好热情，好倾得，唔会四目交投然后扮见你唔到，可能新开，想储一班熟客仔。总括黎讲，食物系唔错嘅，会想试埋点心质素如何。就晚市黎讲，已经好过佢附近间潮家多多声，如果点心都唔差，贵少少都宁愿食豪宴一号，皆因潮家真系完全唔想放入口，想打大佬即管去试下。