影片
更多
2013-06-18
51 浏览
「深井烧鹅」可能好多人都识，但「深井咖喱宝」你又听过未？原来「深井咖喱宝」（Indian Hot Pot Curry Restaurant）晌深井已扎根10多年，2009年卒之冲出深井，仲一冲冲到过对面海，落户西环，分店名字源用番「深井咖喱宝」，但英文名字则叫The Clay Oven，想人家知道佢哋有个真正从印度入口嘅印度黏土高温烤炉，卖嘅喺正宗印度菜。此外，佢哋仲有一家位处上环今年刚开业嘅姊妹店「印度皇」（Basmati）。今晚，就同老婆先嚟到西环嘅深井咖喱宝试菜，品尝正宗印度菜滋味。等多几年先有地铁到嘅西环，感觉颇隔涉，不过对小弟而言，其实又挺方便。中环收工，坐城巴5X特快，经4号干线唔使15分钟就到咗西环。回程返美孚，又有隧巴904行西队，直达屋苑楼下，超方便呀！入夜嘅西环吉席街颇静，好多街铺都收档休息，但就晌电车站旁嘅深井咖喱宝灯火通明，大大个鲜黄色招牌一眼就认得出。室内装修几骨子，墙上有唔少印度色彩嘅挂画，天花又有啲挺别致嘅吊灯，整体感觉雅致有情调.；厨房对出又有一个小酒吧角，放满唔同牌子嘅酒，嚟饮吓酒都几唔错㖞；此外，店子入面都几深长，如果想静局啲，大可拣内笼嘅4人枱。全
等多几年先有地铁到嘅西环，感觉颇隔涉，不过对小弟而言，其实又挺方便。中环收工，坐城巴5X特快，经4号干线唔使15分钟就到咗西环。回程返美孚，又有隧巴904行西队，直达屋苑楼下，超方便呀！
入夜嘅西环吉席街颇静，好多街铺都收档休息，但就晌电车站旁嘅深井咖喱宝灯火通明，大大个鲜黄色招牌一眼就认得出。室内装修几骨子，墙上有唔少印度色彩嘅挂画，天花又有啲挺别致嘅吊灯，整体感觉雅致有情调.；厨房对出又有一个小酒吧角，放满唔同牌子嘅酒，嚟饮吓酒都几唔错㖞；此外，店子入面都几深长，如果想静局啲，大可拣内笼嘅4人枱。全店包括男店长、一位女侍应、两位厨师都喺印度人，真喺唔打得都睇得。而且，如果你英文唔灵光都唔怕，因为店长Prem Bhai先生跟女侍应嘅广东话都讲得吓，基本上一定沟通到。况且，餐牌中英对照，又图文并茂，手指笃笃都唔会点唔到菜。
翻开餐牌都有几多选择，分门别类，计有头盘、沙律、汤品、印度烧烤、炒饭或意粉、鸡咖喱、牛咖喱、海鲜咖喱、羊咖喱、蔬菜咖喱、甜品、啤酒汽水及特饮。如果见到咁多嘢有啲三心两意唔知点拣好，枱面玻璃之下，已印有12款厨师推介及多张图片嘅「宣传纸」，藉此缩窄吓个范围又睇吓易唔易啲揾啱心水。
胡椒饼（Papadam）．杂菜咖喱角（Vegetable Samosas）一坐低位都未坐暖，女侍应生就送嚟一小篮小食，唔喺花生，唔喺咸菜，仲要免费。胡椒饼超薄超脆，又有黑胡椒香；而杂菜咖喱角喺传统印度头盘，餐牌中一客4件要卖$42，依家分文不收就送上两件，印度咖喱角有别我哋港式嘅，外形涨卜卜，皮厚粉韧，入口有点松化，内馅填满椰菜丝、青豆、薯仔，口感好实在。伴以一兜菠菜汁，一兜辣汁，辣汁好啃，最可惜觉得小小嘅头盘，何需咁多酱汁，有啲嘥嘢嘅感觉。
芒果酸奶（Mango Lassi）$32芒果味劲浓郁，又香甜，真喺唔可以错过嘅推介特饮。芒果酸奶浓郁成咁，因为成份只有芒果同乳酪，无沟水，芒果仲要用上印度阿芳素，真喺无得顶，所以乳酪嘅酸味唔太重，更易入口。
香烧马友鱼（Tandoori Fish）$128店家嘅黏土高温烤炉主要做印度烤饼同一啲印度烧烤（天多尼），而依道香烧马友鱼亦喺店家嘅「Clay Oven’s Special」，实在有啲期待。马友鱼以铁板热腾腾咁送上，店长会询问你要唔要加柠檬汁，他会用钢夹帮手唧柠檬汁，食完一面，佢又会主动帮你反鱼，服务方面非常到位。鲜鱼采用南韩直送新鲜马友鱼，以香料腌制后放晌黏土高温烤炉烧制，外皮烤得金香，鱼肉很嫩滑，又带有香料味，不愧店方特选。
玛沙拉羊膝（Lamb Knee Masala）$136一客有两大件羊膝，好多肉，肉质颇松化，而玛沙拉喺混合多种具芳香性嘅香辛料所做，喺印度料理嘅万能香料，用咗玛沙拉煮出嚟嘅羊膝，香而不膻，辣度追适中，辣得嚟少少刺激，但又唔会太呛喉，好似食到喷火咁，非常惹味，又喺推介之一。
蒜茸烤饼（Garlic Nan）$19既然叫咗个玛沙拉羊膝，一定净返唔少酱汁，点客印度烤饼蘸埋佢就唔怕嘥。除蒜茸味，仲有好多款烤饼，如洋葱烤饼、芝士烤饼、薯仔烤饼、姜葱烤饼、烤麦饼、原味烤饼……等等，所有烤饼即叫即做，黏土高温烤炉1、2分钟就烤好。蒜茸烤饼好松软，而且蒜茸味好突出，其实净食都已经唔错，蘸埋啲玛沙拉酱汁，唔食都知好好食！
印度皇饭（Pullao Rice）$29食完上面𠮶几样嘢，我俩公婆都已经好饱，突然阿店长送咗碗印度皇饭我叹，餐牌标价为$29一客，但眼前依碗只喺免费嘅试食版。印度米修长，加入大量甘笋丝、椰丝，以及黄姜粉嚟煮，据讲黄姜粉有防癌、治疗关节病嘅好处，个印度皇饭本身甜甜哋，黏黏软软。
最后，女店员捧嚟一大个「全盒」咁款嘅印度糖果盒，感觉几新鲜，当中有咖啡糖、薄荷香草碎……等等，旨在清除一下口腔内嘅香料味。虽然未必啱人人口味，但试少少领略一下印度风情！
今晚两个人食咗三百松啲，除匀每人都喺$160，环境好、服务好、嘢食好，可以列为值得翻兜之选。
张贴
