影片
更多
2018-02-05
1239 浏览
今日小妹初试朋友介绍既湾仔隐世小店。《淳》寓意著简单同埋朴实。入门环境既布置系简约既和风设计。一坐低就睇见师傅表演既舞台，干干净净既寿司吧令小妹好安心，期待住师傅既每一件艺术品。餐巾同埋筷子上面都有餐厅既名，除左对食物既品质有要求，其他既配件都相当讲究。呢度既刺身都会分类放入木盒，木盒可以保持住鱼既新鲜度、湿度同埋温度。渍物有芝麻牛蒡，山药，榨菜，子姜，红酒荞头。前菜系三小碟- 茄汁鱼，日本甜蕃薯，百页豆腐。仲有冰菜日本蕃茄沙律，日本蕃茄清甜多汁，加左少少柠檬汁配上清脆既冰菜。味道由淡至浓既排序系常识，所以次序相当重要。今晚由清简既三小碟前菜同埋冰菜蕃茄黎激发大家既视觉神经同埋味觉，揭开今晚晚餐既序幕。登登登登～日本生蚝- 生蚝肉质肥厚清爽，蚝味浓郁澎湃，有少少既海水味加上蚝身既鲜甜味，钟意食蚝既朋友仔应该会上引。紧紧接著系萤光鱿鱼配味噌酱，萤光鱿鱼有淡淡既海水味，小妹反而几钟意甜甜地既味噌酱。白虾刺身配玫瑰花花瓣同埋明太子，明太子带有微微既辛辣味，捞埋入白虾刺身入面，白雪雪既白虾配上点点既明太子，除左好似帮白虾著左件晚礼服之外，仲突显白虾既鲜甜味。日本帆立贝肉厚清甜，师傅加左少少柚子
渍物有芝麻牛蒡，山药，榨菜，子姜，红酒荞头。前菜系三小碟- 茄汁鱼，日本甜蕃薯，百页豆腐。仲有冰菜日本蕃茄沙律，日本蕃茄清甜多汁，加左少少柠檬汁配上清脆既冰菜。味道由淡至浓既排序系常识，所以次序相当重要。今晚由清简既三小碟前菜同埋冰菜蕃茄黎激发大家既视觉神经同埋味觉，揭开今晚晚餐既序幕。
登登登登～日本生蚝- 生蚝肉质肥厚清爽，蚝味浓郁澎湃，有少少既海水味加上蚝身既鲜甜味，钟意食蚝既朋友仔应该会上引。紧紧接著系萤光鱿鱼配味噌酱，萤光鱿鱼有淡淡既海水味，小妹反而几钟意甜甜地既味噌酱。白虾刺身配玫瑰花花瓣同埋明太子，明太子带有微微既辛辣味，捞埋入白虾刺身入面，白雪雪既白虾配上点点既明太子，除左好似帮白虾著左件晚礼服之外，仲突显白虾既鲜甜味。日本帆立贝肉厚清甜，师傅加左少少柚子皮系上面，比一般帆立贝多左一份果香味。再落黎就系鳕鱼白子刺身，小妹既初试。小妹好怕食内脏因为好怕有腥臭味，所以全程眼金金咁望到实一实。师傅拎出一细个铁板，将白子放上铁板，手执一粒粉红色既喜马拉雅山岩盐，磨左一磨撒上白子刺身上面，再拎左粒柚子磨左少少柚子皮备用。师傅用火枪轻轻烧左一烧粒白子刺身，新鲜既白子刺身，微微咁收缩左小小，由奶白色烧成淡啡色，烧好之后放左上一只细细既碟上面再撒上葱粒同埋备用既柚子皮，白子刺身完成。试食第一啖先，白子质感软绵绵，入口即溶，有少少奶油既味道，经师傅烧一烧，仲会带有少少焦香味，比想像中容易入口同埋接受。咀刁小妹第一次白子挑战-成功！✌🏻食完之后，师傅就话其实白子系鱼既精巢😳，有丰富既蛋白质，系日本既女士们既最爱。再黎系薄切鲷鱼配紫苏花同埋酸汁，紫苏花既花香味帮鲷鱼加左好多分。象拔蚌脆卜卜，有少少海水既味道，好味呀！隆重介绍黎自北海道既缟虾，肉质爽口鲜甜弹牙，虾子脆卜卜好好味，虾头做完装饰就拎左去炸，物尽其用系日本人既特色。粒贝依然系脆卜卜，爽口带有浓浓既海水味。赤身刺身，以前既咀刁小妹一定唔会想食，心谂你咪塞住我个胃，我只想食油脂丰富肥淋淋既大拖罗。但系而家小妹开始识得欣赏赤身刺身，虽然油脂少，口味清爽，但系每咬一啖都有赤身既味道，愈咬愈浓味，重点系唔会食到雪藏味同埋血腥味。盐烧竹签鱼，油脂丰厚，烧完之后鱼肉带甜味同埋焦香味。下一道系𫚕鱼，𫚕鱼肉质软绵有韧度，油脂分布平均，入口滑溜，油润得黎有咬口，比起平时食既油甘鱼，𫚕鱼既味道更浓更有质感。烧拖罗，师傅切左一细细片鱼去烧香，香喷喷既鱼油同火枪既火花，师傅再慢慢滴啲鱼油落去铁板上面既拖罗度，再立刻将铁板上面既拖罗烧香锁住鱼油加添焦香味后，再立即用紫菜卷起送上我手。烧鱼鲛，鱼皮烧到脆卜卜，鱼肉软淋淋，好味！最后刺身部份系𩽾𩾌鱼肝。一月同埋二月天气虽然好冻，但正正就系𩽾𩾌鱼肝最肥美既时候。师傅简单咁将𩽾𩾌鱼肝加上紫苏花，萝卜蓉，柚子皮同埋少少柠檬汁就上菜喇。𩽾𩾌鱼肝慢慢咁系口入面融化，质感系软绵绵既，少少腥臭味都冇，果然系当造时令既肥肝。😋
握寿司部份，寿司饭应该用左少少白醋同埋赤醋，酸甜既寿司饭带有江户前既味道。深海池鱼寿司，鱼既肉质爽口带甜。赤鯥寿司，油脂含量高，经过火枪轻烧逼油之后，散发左无比既鱼香味，再洒少少盐提高鲜味。再黎系鲽鱼寿司，鱼油多就唔洗一再强调，鲜甜爽滑，油脂同鱼层次分明。最后系盐水海胆寿司杯，师傅用左无防腐剂无添加，最接近海胆既原始鲜味既盐水海胆。粒粒分明表示新鲜度高，海胆味清淡鲜甜。😌
吸物系蟹肉味噌汤，唔系好饮到蟹肉既味道，不过简简单单暖暖胃的确唔错。最最最后系甜甜既玉子同埋蜜瓜做结尾。掌声鼓励一下师傅，战斗左咁耐，终于可以松返一口气喇👏🏻
50 浏览
0 赞好
0 留言
56 浏览
0 赞好
0 留言
36 浏览
0 赞好
0 留言
张贴
