影片
更多
2022-01-02
1590 浏览
黑名单饭店： 筲箕湾 祥囍煲仔小厨大除夕夜，食餐晚饭食到一肚气，算唔算伏就大家自己谂。话说一行4人去呢间野食饭，叫左7个𩠌 ‘羊腩煲、蒜蒸元贝、豉椒鹅肠、墨鱼饼、芥兰煲、椒盐鲜尤、沙姜鸡脚2支大啤、2罐汽水、加多个白饭埋单$1107入座时间2021/12/31晚上19：05🤔点完菜，10分钟左右上菜，即系19点15分开始食饭，到上齐野都7点半。😅4个人正常食7个𩠌，其中一样仲系羊腩煲，点都食个零钟卦....由于个个都肚饿，19点45分即系上齐菜半个钟左右，都已经清左4碟𩠌，得返个羊腩煲同另外2碟野喺台面！👍呢个时候，已经有人黎催台，话人多等紧，食快d😡各同行友人既反应系：唔系呀吗，食左无耐就催，不以为意，继续食。过多10分钟，另外2碟都清埋，成张台得返个羊腩煲。个阿姐又埋黎讲，出面好多人等，食快d...🤬其中一个朋友已经好不满，有无搅错呀，系咁催，已经不停食，唔系喺度斋吹斋座，仲系咁催台！4个人食7个𩠌，唔算多都唔算小，唔驶系咁催呀吗😠呢个时候，个阿姐就走埋黎，问系咪斋晒𩠌，系就帮你地出单。是但你，个羊腩都仲有半煲，继续食...😑其中有个朋友仲喺度同大家讲笑，你地好快d食呀，唔系转头个
筲箕湾 祥囍煲仔小厨
大除夕夜，食餐晚饭食到一肚气，算唔算伏就大家自己谂。
话说一行4人去呢间野食饭，叫左7个𩠌 ‘羊腩煲、蒜蒸元贝、豉椒鹅肠、墨鱼饼、芥兰煲、椒盐鲜尤、沙姜鸡脚
2支大啤、2罐汽水、加多个白饭
埋单$1107
入座时间2021/12/31晚上19：05🤔
点完菜，10分钟左右上菜，即系19点15分开始食饭，到上齐野都7点半。😅
4个人正常食7个𩠌，其中一样仲系羊腩煲，点都食个零钟卦....
由于个个都肚饿，19点45分
即系上齐菜半个钟左右，都已经清左4碟𩠌，得返个羊腩煲同另外2碟野喺台面！👍
呢个时候，已经有人黎催台，话人多等紧，食快d😡
各同行友人既反应系：唔系呀吗，食左无耐就催，不以为意，继续食。
过多10分钟，另外2碟都清埋，成张台得返个羊腩煲。个阿姐又埋黎讲，出面好多人等，食快d...🤬
其中一个朋友已经好不满，有无搅错呀，系咁催，已经不停食，唔系喺度斋吹斋座，仲系咁催台！
4个人食7个𩠌，唔算多都唔算小，唔驶系咁催呀吗😠
呢个时候，个阿姐就走埋黎，问系咪斋晒𩠌，系就帮你地出单。
是但你，个羊腩都仲有半煲，继续食...😑
其中有个朋友仲喺度同大家讲笑，你地好快d食呀，唔系转头个煲都比人收走埋...🤭
咁好啦，食到真系尾声
8点零(20：15左右)其中一个朋友话佢系咁催，自己食饱喇，出去卖左单先啦。
比完钱返黎，佢好惊讶个煲真系无左，比人收埋...😰
几个人比人系咁催，食到都庆庆地，朋友比钱期间嗱嗱声夹埋落碗，谂住食埋咪走啰！
当时本人同另一朋友个口都仲食紧，吞都未吞落肚！
呢个时候个阿姐又走埋黎话：喂，出面真系仲有人等紧，你地行得未！🤬
哗....果下再忍你，唔知果d真系当我黎乞米呀，即时同侍应嘈交😡
我话：先问候对方娘亲，再问佢而家乜x野事呀
你望下张单，19：05分落单，20：13埋单
食左一个钟，你催左几次都算，我个口都食紧，一比左钱你赶我走，你系咪傻架！😡
说时迟，那时快
果条唔知系咪老板既阿姐玩发围，话入座果阵讲左8点要交台㖞....🤔
傻的吗，4个人无一个听倒
如果7点入座，你话8点要交，我地唔会入黎帮衬啦，仲坐低叫7个𩠌，我去食鱼旦粉好过啦。😡
唔够讲，就转移视线话人问候佢娘亲，因为当时坐满客😒
系呀，你咁x样做生意，难怪我会咁烂口啰😠
当时成间铺食紧野既其他客，见嘈交都将视线转移晒过黎。
为免其他人唔知咩事，我再大声向各食客简述一下原因。
当然，个个食住饭睇戏，唔会有咩反应架喇...🤧
个侍应阿姐呢个时候问：咁你想点.....
乜野想点呀，我黎食餐饭
想点呀，食野啰
我野都未食完，个口都仲𡁻紧问我想点？😡
我都问返佢，你想点样？
惊我阻住d客，叫我出门口倾
好呀，就同你出去倾，睇下你会唔会打我先！😎
一出门口，仲以为开我拖，原来唔系...系度讲歪理，又继续B哩巴啦话我骂你，仲话唔钟意咪放上网啰！
我怀疑佢take野high大左，唔知自己做紧乜。
另外同行朋友都有继续同佢理论，我话洗鬼同佢嘈咩，一系就打我啰，佢又唔敢。
废事再浪费时间同佢嘈，拧转身走人。😎
真系有冇搞错，做生意做到你咁！
打开门口做生意，想做多2转台，赚多d无可口非
但系唔系咁样啰。🤬
你多客等，就催催催...
你估我4个人入黎，叫一个煲仔饭+2支啤酒倾偈谈心呀？
衰衰地都7碟野，食个零钟系咪好慢呢？
食物好唔好食，见人见志啦
我个人就觉得好一般，唔算好食啰。
因为每样食物都急住吞落肚……完全系贴钱买难受
不过咁样赶客，我就觉得好伏，呢间咁既店舖，永远黑名单....
正所谓有图有真相，各位睇睇张单！
我就觉得伏伏伏伏...
睇得晒咁多字既朋友，多谢你地既支持👍
张贴
