祥榮茶冰廳

营业中

休息中

今日本来去兰香食早餐，但系未到兰香经过呢间貌似老古冰室，于是就黎试下。一坐低叫野，个阿姐以经云游，老婆指住墙上贴住个生滚牛肉面餐，点知佢好似唔知有个咁既餐咁，可能又大近视(我近视都睇到)，要走埋墙睇先知我地叫乜餐，我自己就叫左个午餐咸鱼鸡丝炒饭送汤送野饮。落完单，个阿姐无拿汤又无拿刀叉黎就走左去做其他野。之后野饮黎同另一个阿姐讲先比返刀叉同汤我。食食下，有个唔知系咪阿姐返黎，比水吧有个男人话左两句乜野迟到咁，佢即刻爆晒粗好大声咁闹水吧个男人，仲不停好打力咁收碗碟，搅到拆天咁嘈。个男人叫佢咪嘈佢都无理，成个泼妇咁。我咁大个人去街食饭真系未见过咁既场面，其他食客都侧晒头。讲返野食其实唔特别，普普通通，我地一路佢食地一路嘈，后来仲有个客带埋只狗入黎食都无人出声，于是我地二话不说埋单走人，呢间餐厅以后都绝对唔会再去，费事贴钱买难受。