美至雞 (已結業)

帮衬过几次，试过古早蒸鸡、烧鸡、麻辣鸡，上一次买左烧鸡及麻辣鸡，烧鸡好干，鸡翼位好似木鱼咁硬，麻辣鸡半只，麻辣汁味道好，但好多骨，少肉，揾唔到鸡髀及鸡翼位置，见佢小本经营，都冇写食评讲返出来，今日再光顾此店，同女职员反映番意见，个女人不断话烧鸡唔会干，干系正常，麻辣鸡唔会系咁、唔会系咁，态度越讲越差，越讲越激动，仲要讲到我呃佢咁，上次果一餐因为呢两款鸡，我比屋企人埋怨到癫左，我都未发脾气，佢仲恶过我，我未出到门口，仲话我痴线，个女人仲话要我早啲通知佢，下一餐佢送返一份麻辣鸡我，我不断拒绝，因为由头到尾我都冇谂过要佢嘅著数，我亦冇讲过要任何赔偿或折扣，今次都系比足钱。当时个脑转唔切，我应该俾返只鸡佢，退返钱咁只唔食，蠢咗此店已经列入永久的黑名单中，老老实实，当初比好评此店，只要食物出品不是非常差，都会比好评支持一些小店。好心着雷劈，一心支持小店，才光顾，点知结局系俾钱买难受做好人系冇好报