一寿司 (已結業)

上个星期同个fd喺新世纪睇完戏啱啱九点钟，谂起雅兰间一寿司十点后半价咪谂住试吓啰，我哋九点三去到，已经有七八十人(绝对冇吹水)喺前面啦，ok...一场嚟到都等啦，点知十点钟开始派飞，我哋十一点四先入得去，都算啦，为咗食好嘢唔计得咁多，点知...回转寿司条带嚟嚟去去都系得三四碟嘢，一睇就知唔新鲜，我哋头一转就order咗个三色刺身，点知催咗佢哋四次，足足等咗一个钟零十分钟先有，真系火都滚，好彩唔太差，五十几蚊碟都几抵...寿司啲质素真系唔掂，唔知系咪将货就价，好多都唔新鲜，唯一算好嘅系海胆寿司，几新鲜，总括嚟讲，呢间嘢唔会去第二次!!!