一寿司 (已結業)

一壽司嘅黑夜6折真係幾抵，就算要排隊要等都食。今日嚟到比較少人嘅將軍澳分店，9點半左右就入得。除咗抵食之外，一壽司質素真係唔錯（比起某啲連鎖店好好多）。半價就嗌個刺身先啦，大概兩人份量，有生蠔、螺、八爪魚、三文魚同我至愛甜蝦，全部冰上好新鮮！再嚟甜蝦壽司，好大隻架，半價都唔呃秤，同埋真係次次食都keep到咁新鮮！火灸壽司同整得好出色，有火灸三文魚同左口魚邊，稍微烘一烘，逼晒啲脂肪出嚟，一啖食落去勁肥美！食一壽司至緊要識控制budget，咁就一百蚊左右都食到好野喇。