影片
更多
2023-04-01
34 浏览
身处旺角想饮手工啤酒第一时间一定谂起黑布街，印像中全盛时期呢度有唔止一间嘅手工啤酒餐厅，咁耐无嚟，今晚就过嚟爽皮一下。Iron godess tea，铁观音威士忌，呢只铁观音威士忌由少爷出品，纯香港制造，入口带有威士忌嘅清香，后续有铁观音嘅余韵，风味独特。麻辣喵薯仔沙律，经典嘅薯仔沙律上面竟然有麻辣粒粒同埋四川腊肠，极富 fushion 嘅意味，腊肠嘅四川式风味送酒一流，新薯口感扎实，配合埋辣椒蛋黄酱，非常美妙。炸茜汉堡，爱茜嘅伴侣见到汉堡上面海量嘅芫茜即刻心心眼，佢唔单止系量多咁简单，而且仲系炸过嘅添，汉堡肉选用咗本地屠宰嘅免治牛肉，食落非常 juicy，蒜蓉沙茶蛋黄酱混和丰富嘅牛味，无敌。黑布茄牛意，喺网上见到其他食友嘅相片已经令我跃跃欲试，牛肉呈肉粒而非一般肉酱状，口感更加扎实，鳀鱼嘅咸鲜同埋黑蒜独有嘅香气令到整个食感更富层次，我选呢个为年度好意。
身处旺角想饮手工啤酒第一时间一定谂起黑布街，印像中全盛时期呢度有唔止一间嘅手工啤酒餐厅，咁耐无嚟，今晚就过嚟爽皮一下。
Iron godess tea，铁观音威士忌，呢只铁观音威士忌由少爷出品，纯香港制造，入口带有威士忌嘅清香，后续有铁观音嘅余韵，风味独特。
麻辣喵薯仔沙律，经典嘅薯仔沙律上面竟然有麻辣粒粒同埋四川腊肠，极富 fushion 嘅意味，腊肠嘅四川式风味送酒一流，新薯口感扎实，配合埋辣椒蛋黄酱，非常美妙。
炸茜汉堡，爱茜嘅伴侣见到汉堡上面海量嘅芫茜即刻心心眼，佢唔单止系量多咁简单，而且仲系炸过嘅添，汉堡肉选用咗本地屠宰嘅免治牛肉，食落非常 juicy，蒜蓉沙茶蛋黄酱混和丰富嘅牛味，无敌。
黑布茄牛意，喺网上见到其他食友嘅相片已经令我跃跃欲试，牛肉呈肉粒而非一般肉酱状，口感更加扎实，鳀鱼嘅咸鲜同埋黑蒜独有嘅香气令到整个食感更富层次，我选呢个为年度好意。
张贴
