功夫點心 (已搬遷) 新店位置

有一段时间，晌香港成日听到啲黑心食物，即喺啲极有问题嘅食物，用啲变坏嘅食材，或用啲污糟嘅手法去做嘅食物，近依年好似少咗啲，间中先有啲零星个案。最近，朋友送咗盒「黑心」月饼俾我，但放心，绝对唔喺食坏人嘅黑心食物，喺嚟自功夫点心嘅「蛋黄芝麻月」。印象中，我记得旧年都收过，当我谂住又喺一模一样嘅时候，打开睇睇，发觉有啲唔同，唔单止「黑心」，仲喺「黑」到出样，连外皮都加入黑芝麻酱去做。一盒有4个迷你装嘅蛋黄芝麻月饼，全新独立包装。一打开包装，𠮶朕芝麻香味好澎湃，每个月饼都印上「功夫」二字，清晰可见。因为成个都喺黑色，所以，皮、馅都分得唔喺好清条界线，但内里全部都喺芝麻莲蓉馅，清甜之余，芝麻味十分突出，口感亦算软滑，加上不论饼皮定馅心都混入白芝麻，极具咬口；每个月饼只有一只咸蛋黄，而且，唔喺好大个，所以，比起其他嘅双黄、三黄，依款月饼相对健康少少。回顾返旧年个食评，无混入白芝麻粒，亦只有馅心加入黑芝麻酱，未喺全黑，所以，今年改良过嘅蛋黄芝麻月更好食，老婆仲超赞添！多谢老友心意，让小弟今个中秋又多试一款制作有心思嘅月饼。