金船長餐廳 (已結業)

见到唔少人推介呢间餐厅，所以特登同朋友嚟试下。餐厅比较幽暗，几有情调。个个都试呢到既黑松露比萨，我地都点左一份，上菜上得好快，我自己本身唔系特别好比萨，但与其话系比萨，佢比较似多士，外脆内软，黑松露阵味好香，加埋面层既芝士粉，简直一流。侍应好专业咁介绍左三种食法，可以加新鲜啜取既提子汁或杂菜，自己就最中意三者加埋，食落完全唔漏，真心推介！叫得金船长，我认为佢嘅海鲜前菜同主食比较出色，个海鲜杂果沙律系我见过最多海鲜，物超所值，芝士焗田螺味道都唔错。食完一大轮都唔济，所以我地点左几样甜品，最值得推介系个心太软，甜度岩岩好，加埋雪糕，好好味。整体都好唔错，一定会再去食！✌🏼