小確幸麵館 (已搬遷) 新店位置

偶然机会下系openrice见到呢个餐厅, 之后一直记系脑入面, 今日约左个中学师妹食lunch, 又系约左去个头, 终于有机会一试! 小确幸唔止名字特别, 连舖头都特别过人, 因为唔系正常舖头咁个名大大粒印系上面, 我望晒成条街都见唔到佢, 跟住留意到有间餐厅无名既... 先发现「小确幸」只系小小咁贴左系近门边既橱窗, 真系几乎睇唔到...  原来系之前一直经过都想试既餐厅! 店内装修几摩登, 同时又有点家庭感觉, 墙上写满左字句, 真系唔讲唔知系食日本菜~~推荐下餐饮拣左豆浆, 淡淡的豆味给予我家的感觉, 系近乎无糖的健康!虽然话系日本菜, 不过都有fusion的午餐~  我拣左火炙三文鱼黑松露炒饭, 失望既系三文鱼似乎无烧过, 何来既火炙== 不过黑松露就几特别, 有少少香味, 不过饭似乎太干, 有点太硬... 朋友拣既牛都几林, 除此之外就无咩特别, 反而系个纤益面质感令人难忘, 我会形容为烟韧得黎爽口既公仔面, 就咁睇有D难想像呀可, 事实上系有D难形容2个餐都系$88, 以味道黎讲就贵左少少, 附近咁多餐厅睇怕都有排先再黎...