Suage北海道湯咖哩

营业中

休息中

估唔到咖喱同埋黑松露可以咁夹。Suage主要食北海道汤咖喱嘅餐厅，呢期有黑松露期间限定嘅特色食品。试咗最特别嘅呢款墨鱼川海老酿大啡菇黑松露汤咖哩乌冬。汤咖喱加入咗黑松露，咖哩味道浓烈，但又唔会盖过黑松露嘅香气，无论配饭或者乌冬都咁好味。咖喱辣到又可以按你嘅需要转成大辣或者唔辣。另外墨鱼肉同埋虾肉喺大啡菇𠮶度再炸，呢个配料的确几好食。大啡菇嘅Juicy，加入咗墨鱼虾滑嘅味道，的确系正。仲有小食脆紫菜日本川海老，啲虾仔炸到脆卜卜，就咁食又得，加埋入咖喱食又得。或者叫一客黑松露薯条点咖喱一样咁好味。佢哋外卖Counter仲有雪糕甜品或者特饮可以外卖拎走，咁就唔使嘥时间。