金船長餐廳 (已結業)

一家人聚埋一齐食餐饭，系每月必做既事，今个月就揾左几间餐厅，因为家人话好耐无食到西餐咁话。先食佢地餐厅介绍既主打菜式，黑松露酱芝士夹心pizza，外层系意大利马斯卡普芝士，所以味道香浓口感又香脆，夹心系黑松露酱十分清香，加上点埋份自家制提子醋，醒胃之余味道清甜，令味道更丰富，令这菜式更显特别。另外呢份系蒜香炒青口，蒜味劲香加埋辣椒炒，令人更易入口，青口煮到刚熟，口感嫩滑而又无青味又无腥味，由于用橄榄油黎炒，食落就更健康。主菜系法国鹅肝炒饭，整份鹅肝三安士烤过后有阵熏香，鹅肝系入口即溶，口感滑完就已经溶晒，真系嫌份鹅肝太细。好在用埋鹅肝粒黎炒饭，令份炒饭香喷喷，一啖饭里面就有几粒鹅肝，感觉呢份菜式零舍贵格，连平时唔食鹅既阿妈，都赞好呢个炒饭呀。