麵屋武藏 武骨 (The LOHAS康城) (已結業)

四年五年前喺坑口试过佢哋嘅试过佢哋嘅汤拉面，觉得真系唔系咁好食，之后从来再冇去过帮衬。过咗咁多年之后，喺康城又见到佢哋嘅分店，心血来潮，就行入去试吓。汤拉面嘅阴影仲喺度，所以今次就试吓点沾面。佢哋个炒饭好有镬气，不过就系淡味啲。炒饭之后就到我哋嘅沾面啦。今次点左个白武骨沾面同黑武骨沾面。白武骨沾面味道合格，但就真系好普通，虽然话系猪骨汤，但猪骨味唔系咁出，豉油同面豉味多啲。黑武骨沾面就比较出色，有一种好特别嘅黑蒜蓉味。食落唔会好咸好heavy。佢𠮶两片叉烧都唔错，沾咗啲面汁之后都几好味，好软。半只嘅半熟蛋都做得唔错，但冬天食就觉得佢有啲冻，都系要沾沾啲面汁比较好。个炸鸡都唔错，入面啲肉都juicy，但有啲死咸嘅感觉，好在有啲沙律酱搭救下。价钱唔系特别贵，可以接受。总括来说，都系沾面有保证啲。喺我有勇气再试汤拉面之前，我会在嚟食沾面。