Espuma (H8) (已易手) 新餐厅

最近见有新dinner set出，友人懒谂食咩好，就决定点二人的dinner set $468，加上有大家中意既黑毛猪。有齐前菜的小食拼盘、餐汤、主菜有意粉及薄饼，仲有甜品及饮品，原本怕唔够饱，但最后坚饱肚，好满足。餐饮仲可以加$15要特饮，我当然点受观迎，每枱女仔都点的热水果茶，仲有几款口味选择。友人的冻咖啡有牛奶及糖水，仲用靓靓奶壶装著，好优雅。冻咖啡不算好浓，味道普通。热情果乌龙茶，dinner set加$15，价钱几吸引架，大大壶有得座热慢慢叹，我饮到食甜品都未饮完，一定够饮。味道酸酸甜甜好香水果味，茶味清淡不苦涩，仲有好多新鲜生果粒。南瓜忌廉汤超好饮，惊喜位黎架，清甜南瓜味，有忌廉令个汤更creamy顺滑，更滋味，而且份量颇多，配法包都好好味，法包微微烘热，不算好脆身。杂菌汤好浓郁且有好多菇菌碎，十分足料。稠稀适中几creamy都算滑身。但越饮越咸，味道几重。精选小食拼盘，有三款小食，其中两款都是西班牙黑毛猪。西班牙黑毛猪火腿薯蓉，脆衣炸得香口脆卜卜，而且薄身不油腻。薯蓉好滑唔杰，有少少黑毛猪火腿的咸香，但再多点会更好，因为要沾点酱才够味。西班牙黑毛猪火腿，细细片卷著火箭菜，