Dabyida Restaurant and Bar (已結業)

前排食左brunch ，依家爱上左。贪就贪佢一餐可以当两餐食，放假嘅时候又唔会咁早起身，起身去食嘅时间就刚刚好，而且食嘅时间好长，唔会好赶，啱晒悠闲嘅假日。呢度晏昼有好多唔同嘅套餐，上至Pizza，下至扒类嘅都会有，而且出面会有一个自助嘅食物吧。讲食物吧虽然唔算话好大，但系食物都应有尽有，有沙律，有巴拿马火腿，沙乐美肠，芝士，甚至仲有各式各类的甜品。今日就叫咗个黑毛猪配蓝啤梨汁，黑毛猪煮嘅时间需要耐小小，所以大家要预返三四个字嘅时间。其实平时我好少钟意食猪扒嘅，但系黑毛猪就另计。因为黑毛猪同猪扒嘅肉质完全唔同。我怕就系怕普通嘅猪扒好鞋，但系黑毛猪就算煮得好差都好都唔会好似柴皮咁，呢度就煮得啱啱好啦。蓝啤梨汁嘅配搭都十分之好，好特别嘅一个酱汁，会有少少甜甜地嘅味道。另外仲会配上薯角，热辣辣嘅，加埋一旧猪扒非常之饱。仲想提一提大家，因为佢出面有一个自助嘅食物吧，所以每个人最低消费系一个套餐先至可以享用出面嘅沙律吧架。